Hlakka svo til að hitta:

Og svo auðvitað líka mömmu, pabba, Dóru Björk, Örnu og Sighvat (bara svo lengi að setja inn myndir hérna heima).

Skemmtó helgi!!

Þessi helgi er bara búin að fara í að lesa bók sem heitir Crafting & Executing Strategy. Fyrst ég þurfti nú á annað borð að eyða helgina í að lesa hefði ég þá frekar verið til í liggja í baði eða upp í rúmi og lesa góða bók eftir Arnald Indriðason, en næ víst ekki lokaprófi í HA með því að gera það. Síðan fer seinni partur dagsins í að taka próf úr þessari bók og eftir kvöldmat tekur við verkefna vinna. En ég stefni á að fara til eyja næstu helgi og þá á ég ekki eftir að opna bók þannig kannski allt í lagi að vera super dugleg þessa helgi.

Jæja jæja já

Héðan er nú lítið að frétta. Það er búið að vera crazy að gera í skólanum og hefur maður bara verið langt fram á kvöld að læra. Síðan er próf á sunnudaginn og því fer helgin líka bara í að læra fyrir það. Þannig ég ákvað að bjóða stelpunum bara í smá stelpuhitting hérna heim í gær. Það komust nú ekki allir en þetta var rosa gaman. Meiningin var nú að spila en við töluðum svo mikið að við náðum nú aldrei að byrja á spilinu ;)
Próftaflan kom inn í gær. Ég var búin að vera rosa spennt þar sem ég hef aldrei á ævinni verið í jafn fáum lokaprófum eins og núna þannig ég bjóst við að vera jafnvel bara búin snemma.En hvað haldiði? Prófvikan í HA byrjar 4.des og er búin 15.des. Ég er í þremur prófum, fyrsta 4.des öðru 8.des og því seinasta 15.des!! Þannig þau ná að teyja þessi þrjú próf yfir allt tímabilið! Ég prófaði að senda kvörtun en efast um að það hafi áhrif. Get allavega ekki kvartað yfir tímaleysi til að lesa!

Drepast úr hungri

Er búin að vera í kínversku síðan kl.4 og er alveg að farast ég er svo svöng! Og hvaða orð haldiði að við séum búin að vera að læra í dag? Yeps kjöt, fiskur os.frv. Svo er auðvitað sýnt myndir af þessu öllu þannig maður er bara slefandi hérna í sætinu sínu. Ekki gott! :/
Síðan vorum við að syngja á kínversku hérna í upphaf tímans þannig nú skilst mér að Birna býði spennt eftir að læra með mér þannig ég geti sungið þetta nýja lag fyrir hana ;) Greyið fær nefnilega alltaf að hlusta á mig raula með lögum í útvarpinu þegar við erum að læra saman.

Hvor er betri fyrir Halloween? ;)

...ekki að ég ætli á Halloween ball! Verð bara í þessu heima að læra ;)

Lítið í fréttum, mikið að gera!

Það er allt að gerast í skólanum. Verkefni eftir verkefni og ef hef tíma til að hugsa um annað þá þarf það að vera kínverskan sem er bara ekki að gera sig þessa dagana! Hef varla tíma til að svara í símann hvað þá tala í hann og er ekki ennþá farin að taka eftir því að sjónvarpið mitt er búið að vera bilað í rúma viku! S.s. crazy að gera.

Hjördís var hérna, ásamt hinum píunum, um daginn og var alveg komin með ógeð af þessari nettengingu hjá mér og ákvað að gera e-ð í málunum. Hringdi í OgVodafone (eins og ég hef reyndar oft gert) og brasaðist e-ð og hvað haldiði....ég er ekki frá því að tengingin sé skárri! Reyndar voru stelpurnar hérna í dag og voru alltaf að detta inn og út af netinu en ég hélst bara inni. Í þetta skipti varð ég bara að vera eigingjörn og viðurkenna að ég var ágætlega sátt ámeðan að ég komst inn!

Það verður lítið annað gert um helgina heldur en að læra fyrir próf sem ég þarf að fara í á sunnudaginn. Spurning hvort maður reyni að kíkja á kaffihús, baka eina köku eða gera allavega e-ð eitt skemmtilegt.

Þar sem þetta var svona svaðalega mikið "skólablogg" þá lét ég eina skemmtilega mynd fylgja.

Crazy people!

Kom til Íslands í gær og þá bauð kjellinn mér út að borða svo heim að hafa það kósí. Í dag komst ég ekki norður með vélinni kl.8 og ekki heldur kl.11 þannig ég fór kl.2. Flugið norður gekk vel nema þegar við vorum að lækka flugið þá fór sími að hringja! Þið getið rétt ímyndað ykkur hvað ég varð hrædd! Og hann hringdi alveg út! Og svo byrjaði hann AFTUR og engin sagði neitt. Þannig ég gribban sem ég er sagði "Hvað er eigilega að fólki!!!!" mjög hátt og tveimur sekúndum seinna var slökkt á símanum! Ég meina halló hver er svona svakalega ómissandi að hann getur ekki slökkt á símanum sínum í djöfulsins 45 mín!! Algjör frekja...ef hann/hún vill taka svona sénsi má hann bara stökkva af brú eða e-ð þegar hann er einn ekki hræða úr mér allt vitið! Get svarið það ég er heimskari núna heldur en ég var í morgun!

Back to reality

Nú þarf maður sko að koma sér í gírinn aftur, byrja að læra og gera hin og þessi verkefni.
Hehehe sit hérna í kínverskutíma og það koma allt í einu rosa hristingur og læti og kerlingin (kennarinn) ætlaði að fríka út...hélt það væri að koma jarðskjálfti! Hehe greyið er nú frá Kína þar sem allt getur gerst...en við vorum fljót að segja henni að þetta er bara litla góða íslands og hún þyrf ti sko ekki að hafa áhyggjur! Eða við höldum það allavega!

I'm back :D

Ferðin út gekk vel. Lentum í Köben og keyrðum þaðan til Malmö. Þar gistum við í tvær nætur á fínu hóteli og höfðum það gott með bræðrum hans pabba og fjölskyldu. Í hádeginu á laugardeginum fórum við með lest yfir til Köben aftur og gistum þar eina nótt. Fórum út að borða, versluðum aðeins og löbbuðum um. Æðislegt að eyða smá quality time með mömmu, pabba, Örnu og Hvata. Vantaði bara Jonnyinn.

Going out

Þá er ég komin suður en stoppa stutt þar sem ég flýg út til Köben kl.4 í dag. Verð þar yfir helgina þannig þið munuð ekkert heyra frá mér fyrr en á sunnudaginn.
Varla svo að maður hafa tíma til að fara út, brjálað að gera í skólanum, verkefni eftir verkefni eftir verkefni. En þetta reddast vonandi allt saman.
Anyways....uppáhaldið mitt því á eftir, FLUG! En ég flaug nú suður í gær og það gekk eins og í sögu þannig vonandi verður þetta bara í lagi aftur í dag :D

Sætt!

Stressið magnast!

Er búin að vera svo chilluð alla önnina svo allt í einu núna get ég varla andað fyrir stressi. Æ þetta kemur stundum fyrir mig en venjulega ekki fyrr en að upplestrafríið byrjar! Dísús hvað þetta er óþægilega tilfining. Held að þetta sé að hluta til útaf það er svo ógeðslega mikið að gera í skólanum og ég er að fara erlendis á fimmtudaginn og hef því ekki jafn mikin tíma og ég bjóst við að hafa í verkefnavikunni. Verð bara að muna að anda..........!
Annars er myndatakan fyrir blaðið okkar í dag kl.9....best að fara að æfa brosinn ;)

Sjónvarpslaus :S

Haldiði að TVið mitt hafi ekki dáið í kvöld :( Við Birna vorum hérna heima að læra og höfðum ekkert tíma til að fylgjast með skjánum. En svo vildi ég endilega hafa So you think you can dance svona "in tha background". Var einmitt nýbúin að spurja Birnu hvort henni findist sjónvarpið mitt ekki skárri en um daginn þegar hún var hérna. Og hvað haldiði, nokkrum mínútum seinna datt myndin alveg út og við heyrðum bara hljóð. Síðan endaði með að það datt allt alveg út!
Þannig ég sá mér leik á borði og sendi öllum útskrifahópnum sms og fékk þau til að leggja inn á mig. Sagði að þau væru að borga hótelið út í New York en í raun ætla ég út í Siemens á morgun að kaupa mér 42' Plasma sjónvarp (eða hvað sem þessi græja kostar).

Bókstaflega EKKERT til að borða

Eins sorglegt og það er að segja frá því þá held að það séu bara þó nokkrir sem geta vottað fyrir því að það sé EKKERT til að borða hérna heima! Fólk er farið að koma með mat með sér þegar það kemur eða plata mig með sér í bakaríið eða búð áður en komið er heim til mín.
Þetta er nú ekki alveg að ganga þannig um leið og ég fæ mig til að standa upp frá tölvunni ætla ég að drífa mig að heimsækja bleika svínið.

Mikil þreyta í gangi

Í gær fórum við krakkarnir úr bekknum í vísinda ferð í Norðlenska. Var reyndar ekkert mjög sátt þegar ég sá að við þurftum að fara í hvíta sloppa og setja á okkur hárnet en lét mig þó að lokum hafa það. Þaðan var farið heim til Skúla og við stelpurnar biðum eins og prímadonnur á meðan að Eggert kokkur grillaði bestu borgara í bænum! Takk aftur fyrir mig!! Þaðan var farið á Amour til að hitta aftur allt liðið í Viðskiptadeildinni. Þar var mikið gaman, spjallað og dansað. Við í bekknum erum alltaf vakandi fyrir því þessa dagana að fá fólk til að skrifa greinar eða kaupa auglýsingar í blaðið okkar. Við Eggert náðum að tala við tvo karla sem eru frekar áberandi í þjóðfélaginu. Þeir tóku held ég nokkuð vel í þetta en NB þeir voru báðir í glasi þannig spurning hvað þeir muna í dag!! Sorglegt samt fólk reynir að sleikja sig upp við svona "celebs" hérna á Íslandi! Nú bíður maður bara og vonar að það birtast ekki myndir af manni í séð og heyrt með fyrirsögninni "blondína reynir að komast í klíkuna" eða e-ð álíka hallærislegt. En annars var þetta bara rosa skemmtilegt kvöld og ég vil þakka bekkjasyskinunum mínum kærlega fyrir mig :)
Svo skilst mér að Jónþór hafi skellt sér á Oktoberfest í gær og að þar hafi verið mikið gaman og mikið fjör! Sagðist líka hafa hitt aðal þjóðverjan í VÍ vinkonuhópnum, Unni Deutsch ;) Hún lætur sig ekki vantar á slíkar samkomur :D

Föstudagurinn þrettándi!!

Dagurinn byrjaði allavega vel. Það er einn kostur við vinnutímann hans Jónþórs og það er að hann hringir oft í mig á morgnana og vekur mig. Og ég get sko sagt ykkur það að það er svona þúsund sinnum skemmtilegra heldur en að vakna við djö!#%* vekjaraklukkuna.
Annars byrjar verkefnavika Viðskiptadeilda í dag. Það þýðir að það eru engir tímar í viku en í staðinn eigum við að nota tímann til að vinna í verkefnum. Sem mundi venjulega þýða að ég væri á leiðinni suður EN þar sem kennararnir í einu fagi voru svo æðislegir að setja 4 skil í sömu faginu í sömu vikuna kemst maður nú ekki mikið. Og þetta eru svokallaðar ákvarðanir sem hópurinn í heild sinni þarf að taka saman í einni og sömu tölvunni. So I'm stuck :( Ég er bara sem betur fer í svo skemmtilegum hóp og er það STÓRI plúsinn í þessum hörmungum!

Nýbakað brauð og útlendingar

Í gær kom Hjördís færandi hendi...kom með nýbakað brauð handa mér. Reyndar hafðu hún nú ekki verið að baka EN það var hún sem hafði fyrir því að koma með það alla leið heim til mín ;) Þannig ég hef bara verið í skýjunum síðan að borða nýbakað brauð með hvítlauksdressið! (Já ég get borðað hvítlau með ÖLLU).

Annars vorum við Sigurbjörg á kaffihúsi um dag þar sem útlenskt par sat við hliðina á okkur. Þau voru eigilega ný sest þegar þú pikkuðu í okkur og spurðu hvað væri eigilega málið með alla bílana sem bara keyrðu hring eftir hring eftir hring. Við reyndum að útskýra þetta fyrir þeim en þau voru ekki alveg að sjá tilganginn. Svo spurðu þau loks hvort þetta væri e-ð "Akureyrískt" en við sögðum að þetta væri gert út um allt land. Þau voru frekar hissa og bara gátu ekki hætt að spurja okkur út í þetta. Kannski eðlilegt...ekki allar þjóðir sem kvarta yfir háu bensínverði en eyða síðan heilum kvöldum í að keyra sama hringinn biljón sinnum! hehe

Jólasnjórinn kominn?

Kannski ekki alveg en það er allavega allt hvítt úti og mín fékk bara smá jólafiðring hérna fyrr í dag.
Annars komst ég að einu frekar merkilegu í dag (en samt ekkert svo)...það eru engir leigubílar á Húsavík!! Ekki gaman að vera á djamminu um vetur í einum enda bæjarins en búa hinu megin!! Smá pæling fyrir svefninn....góða nótt ;)

Ballið

Maturinn

Snapshots

Flott sprellmót

Nenni nú ekki að segja frá öllu sem skeði í gær, en svona over all var þetta flott sprellmót þrátt fyrir léleg úrslit. En ég treysti bara á þau á næsta ári! :) Eftir Sprellmótið sjálft kom ég hérna heim og hitti jónþór, hann fór síðan að hitta strákan og ég að hitta Reka. Fórum við síðan á Sjallan þar sem keppt var í hinum ýmsum greinum áður en úrslitin voru tilkynnt og síðan ball. Við fórum bara snemma heim, eða um 1, enda var maður búin að vera að síðan um hádegið og bara orðin þreyttur. En vil þakka þeim sem mættu í gær fyrir skemmtilegan dag.

Its her birthday!

Heuta ist meine mutter geburstag (eða hvernig sem þetta er sagt). Sendi henni því afmæliskveðjur yfir til Kýpur þar sem hún er að vesenast með pabba um helgina.

Jólaskraut og kínversk þreyta!?

Haldiði að mín hafi ekki bara verslað sér jólaskraut í dag :) Já var að lesa Dagskrána á meðan að ég borðaði hádegismatinn og sá þá auglýsingu frá Blómaval þar sem auglýst var Jólaskraut 2005 á afslætti þar sem þau þurftu að rýma til fyrir nýja sendingu. Þá hugsaði jólabarnið með sér "hvernig getur jólaskraut dottið úr tísku!?" Ég er nú samt ekki mikið fyrir útsölur en við Hjördís ákváðum að kíkja upp í Blómaval eftir skóla. Fyrst sýndist okkur þetta allt vera eintómt rusl en síðan fundum við alveg æðislegar jólakúlur í mínum uppáhalds lit. Keypti líka rosa flottar silvur kúlur svona til að hafa tvo liti. Nú vantar mig bara desember mánuð og eitt stykki jólatré og þá er mín bara ready for christman :D
Annars var kínverskutími hjá mér í dag frá 4 til 7 og ég verð nú að segja að þetta er alltof langur tími. Seinasta hálftímann er maður alveg orðin heiladauður úr þreytu! Þannig eftir tímann kom Hjördís með mér heim og ég eldaði handa okkur pastarétt síðan skriðum við upp í sófa og gláptum á As Good As it Gets....og viljiði pæla...stúlkan var ekki búin að sjá hana! Þannig þetta var bara fínasta kvöld: vídíó, kertaljós og kósí.
Annars er Sprellmótið á morgun og more importantly þá kemur Jónþór norður :) Hann kemur strax eftir vinnu þannig hann mun eflaust leggja sig á meðan við, liðsmenn Reka, reynum að standa okkur og endurheimta bikarinn :)

Þessi fékk bara að hvíla sig í dag...

...þar sem það var bíllaus dagur í dag. Þannig ég vaknaði tímalega, henti mér í sturtu og labbaði í skólann. Ekki eins og það komi ekki oft fyrir en í dag var það bara möst! Reyndar var þetta bíllausdagur hjá háskólanum þannig að þegar ég varð geðveik heima um fjögur leitið útaf netið var bara í fokki hjá mér keyrði ég upp í skóla EN þar sem klukkan var rúmlega fjögur var það í lagi. Dagurinn hérna upp í skóla er nefnilega bara frá 8-16.00 sjáiði til ;)

Datt mér það ekki í hug!

Hef oft velt því fyrir mér hvort það væri aldrei breytt staðsetningunni á myndavélunum inn í göngunum á leið norður/suður. En núna þegar ég var að keyra í gegn í morgun sá ég að það er búið að breyta, þannig eins gott að fara varlega og ekki treysta á þetta!